Хотын төвлөрлийг багасгахын тулд “Да хvрээ зах” болон тvvнийг тойрон vйл ажиллагаа явуулж буй авто машины худалдаа эрхэлдэг 30 гаруй захыг "Авто худалдааны цогцолбор" руу нvvлгэх шийдвэр хэдийнэ гарчихаад байгаа. Харин vvнийг авто худалдаа эрхлэгчид эсэргvvцэж Захиргааны хэргийн шvvхэд хvртэл хандаж байсан. Тvvнчлэн хотын удирлагуудыг хууль бус шийдвэр гаргасан хэмээн ШӨХТГ-аас ч мэдээлсэн удаатай. Яг vнэндээ “Да хvрээ” захыг 1996 оны хоёрдугаар сарын 13-ны өдөр “Да хvрээ Трейд” ХХК “Засгийн газрын тогтоол, өмч хувьчлах комиссын шийдвэрийн дагуу нээлттэй дуудлага худалдаагаар хувьчилж авсан байдаг юм. Энэ нь төрийн эрх бvхий байгууллагатай байгуулсан гэрээгээр зөвхөн зориулалтаар нь ашиглах vvргийг тус газрынхан хvлээсэн гэсэн vг. Тэд энэхvv vvргийнхээ дагуу бvхий л vйл ажиллагаагаа хуулийн дагуу явуулсаар өнөөг хvрчээ. Гэтэл өнгөрсөн 2013 оноос эхэлж хотын удирдлагууд тус захын худалдаачдийг элдвээр дарамталж тэдийн ажлын байрыг булаах болсон юм.
Тиймээс энэ талаар өчигдөр “Да хvрээ трейд” компанийн менежер, тvрээслэгчид болон хуулийн зөвлөх Ц.Монгол нар болж буй vйл явдлын талаар дахин мэдээлэл хийлээ.
Хотын удирдлагууд бусдын хоол руу нулимж байна
“Да хvрээ трейд” компанийн менежер Ж.Чимэдцэрэн “Манай компани “Да хvрээ” захыг Засгийн газрын тогтоол, Өмч хувьчлах комиссын шийдвэрийн дагуу нээлттэй дуудлага худалдаагаар хувьчилж авсан. Ийнхvv хувьчилж авсны дагуу төрийн эрх бvхий байгууллагатай байгуулсан гэрээгээр зөвхөн зориулалтаар ашиглах хатуу vvргийг хvлээсэн. Тиймээс бид өмчлөх эрхийн гэрчилгээ, vйл ажиллагаа явуулах зөвшөөрлийнхөө хvрээнд бvх зvйлийг хуулийн дагуу одоог хvртэл явуулсаар байна. 2013 оноос эхлэн албан тушаалтнуудын дарамт шахалтад өртөж, Vндсэн хууль, бусад хуулиар олгогдсон эрх, хууль ёсны эрх ашиг маш ноцтойгоор зөрчигдсөөр байна. Яг vнэндээ энэ асуудлаас болж автомашины худалдаа эрхэлдэг олон мянган иргэн ихээхэн дарамт шахалт ирж байгааг та бvхэн мэдэж байгаа. Өөрөөр хэлбэл, худалдаачдыг шинээр баригдаж буй “Авто худалдааны цогцолбор” руу нvvлгэхийн тулд хотын удирдлагууд олон хууль бус зан авир гаргаж байна. Тухайлбал, “Да хvрээ” захын дэргэд vйл ажиллагаа явуулж байсан "Хаан банк"-ны салбарыг хаасан. Одоо Техникийн бvртгэлийн төвийг хаах ажлыг ЗТЯ-тай хамтран зохион байгуулж байна. Тиймээс хотын удирдлагуудыг бусдын хоол руу битгий нулимаач гэж хэлмээр байна” гэв.
Ямартай ч хотын удирдлагуудын хууль бус шийдвэр олон хvний амьдралыг орвонгоор нь эргvvлж тэднийг гудамжинд гаргахад бэлэн болжээ.
“Да хvрээ” захын хэвийн vйл ажиллагаанд учирч байгаа эрсдлийг таслан зогсоо
Тэгвэл энэ талаар тус захын өмгөөлөгчөөр ажиллаж буй Ц.Монгол дараах тайлбарыг өгсөн юм. Тэрбээр “Автомашин, авто техникийн сэлбэг хэрэгсэл худалдаалж байгаа иргэд, хуулийн этгээдийн эрх, хууль ёсны эрх ашиг сонирхлыг албан тушаалтнууд бvдvvлгээр зөрчиж байна. Тухайлбал, Vндсэн хуулийн 16 дугаар зvйлийн 16.3-д зааснаар “Хөдлөх, vл хөдлөх хөрөнгө шударгаар олж авах, эзэмших, өмчлөх, өв залгамжлуулах эрхтэй.
Хувийн өмчийг хууль бусаар хураах, дайчлан авахыг хориглоно. Төр, тvvний эрх бvхий байгууллага нь нийгмийн зайлшгvй хэрэгцээг vндэслэн хувийн өмчийн эд хөрөнгийг дайчлан авбал нөхөх олговор, vнийг төлнө” гэж заасан байгаа.
Гэтэл нийслэлийн эрх мэдэл бvхий албан тушаалтанууд НИТХ-ын тэргvvлэгчдийн тогтоол, Засаг даргын захирамжийг хуулийн дагуу хэрэгжvvлэхийн оронд уг эрх зvйн баримт бичгvvдийн утга санааг мушгин гуйвуулж захиргаадалтын аргаар, хvч хэрэглэн өөрсдийн ашиг сонирхолд нийцvvлж байгаа учраас автомашин болон автотехникийн сэлбэг хэрэгсэл худалдаалж байгаа олон мянган иргэн, хуулийн этгээд, компанийн хуулиар олгогдсон эрхийг зөрчиж байгааг эсэргvvцэж энэ мэдээллийг хийж байна. Тухайлбал, 20 жил нэг газраа байрлаад ажиллачихсан худалдаачдыг нvvлгэх гэж байгаа бол нөхөн олговор олгож, “Авто худалдааны цогцолбор”-тоо vнэгvй зогсоол гаргаж өгөх ёстой. Яг vнэндээ ямар ч тооцоо судалгаагvй, бизнес төлөвлөгөөгvй, байгаль орчны vнэлгээгvй, баригдаж дуусаагvй “Авто худалдааны цогцолбор” гэх байгууллагыг дэмждэг хэсэг этгээд төрийн нэр барин, албан тушаалаа ашиглан тогтоол, захирамжийн нэр барин хууль зөрчиж байна. Тиймээс энэхvv хууль бус ажиллагааг таслан зогсоохыг Зам тээврийн сайд М. Зоригт, НИХТ-ийн дарга Д.Баттулга, Засаг дарга Э.Бат-Vvл та нараас хэвлэл мэдээллийн хэрэгслээр дамжуулан олон мянган аж ахуй эрхлэгч иргэд, Да хvрээ захын хэвийн vйл ажиллагаанд учирч байгаа эрсдлийг таслан зогсооно гэдэгт найдаж байна” гэв.
Эх сурвалж:
| Уншиж байна |