АНУ-ын Ерөнхийлөгч Барак Обама Иракийн хэт даврагч “Халифын вант улс” бүлэглэлийг заналхийлсэн тухай “www.dailymail.co.uk” мэдээллээ. Обама “Тун удахгүй болох зул сарын баяраар хэт даврагчид халдлага үйлдэхээ мэдэгдсэн. Гэхдээ энэхүү заналхийллээс айхгүй байхыг иргэдээсээ хүсч байна. Зул сарын баяраар “Терроризмтой тэмцэх алба-”ынхан ажиллаж, орон даяар хамгаалалтад гарах болно. Тэд дайны тайлбарт дайсантай тулалдаж, олон этгээдийн гараас иргэдийг эсэн мэнд аварч чадсан. Хэт даврагчид биднийг бус бид тэднийг заналхийлж байна. Учир нь тэд тун удахгүй устах болно” гэж хэлжээ.
Обама энэ долоо хоногийн эхээр Пентагоны тэргүүний хамтаар хамтарсан мэдэгдэл хийх үеэрээ сөргөөлдөөний бүс руу явган цэргээ илгээж буйгаа мэдэгдсэн юм. Сирийн Ракка хотноо тус улсын явган цэргүүд байршиж, Сирийн цэргүүдэд дэмжлэг туслалцаа үзүүлж байна. Америк бие дааж хэт даврагчдад цохилт өгч эхэлжээ.
Америкаас гадна Британи, Франц эвслээс гадна бие даан цохилт өгсөөр байна. Мөн Саудын Араб улс “Арабын эвсэл” байгуулснаа зарласан бөгөөд тус эвсэлд одоогоор 34 улс нэгджээ.
Өнгөрсөн оны долоодугаар сараас эхлэн АНУ тэргүүтэй олон улсын эвсэл хэт даврачдад 9000 удаа цохилт өгч, тус бүлэглэлийн эзэмшлийн 5000 гаруй объектийг устгасан байна.
Б.Дэлгэрцэцэг
Уншиж байна |