Дэлхийд анх удаагаа толгой шилжүүлэн суулгах мэс засал амжилттай болсон талаар “www.apoupdate.blogspot.com” мэдээллээ. Мэс засал Өмнөд Африкийн Йоханнесбург хотын “Academic Hospital”-д болжээ. Хагалгаа 19 цаг үргэлжилсэн байна. 36 настай, эрэгтэй таван жилийн өмнөөс тархины хорт хавдраар шаналах болсон учир хагалгаанд орсон аж.

Толгой шилжүүлэн суулгах мэс заслыг удирдсан, доктор Том Довней “CNN” агентлагт “Бид бүхий л хүчээ дайчилсан. Толгойг шинэ биед залгасан. Хагалгаа амжилттай болсон. Мөн өвчтний биеийн байдал хэвийн байгаа. Тун удахгүй дэлхий нийтээрээ ид шидийг харах болно. Хагалгааны явцад олон хүндрэлтэй асуудал гарсан. Гэхдээ бид бууж өгөөгүй” гэж ярьжээ.

Профессор Мурон Данус өнгөрсөн хоёрдугаар сараас эхлэн залуугийн өвчний түүхтэй танилцаж, хагалгаа хийх боломжтой гэх дүгнэлтийг гаргасан аж. Тэрбээр “Хагалгаанд орсон өвчтөн хорт хавдартай байсан. Хагалгаа эхлэхээс өмнө бид донор хайсан. Азаар сар хагасын дараа бид донортой болсон. Авто ослоор 21 настай эрэгтэй амиа алдсан. Бид эрэгтэйн биед толгой шилжүүлэн суулгасан. Харин ослоор амиа алдсан 20 настай эмэгтэйгээс шаардлагатай эрхтэнг нь авсан. Амиа алдсан залуугийн бие эрүүл байсан бол эмэгтэйн тархи бүрэн ажиллагаагүй болсон байсан. Доноруудын гэр бүл зөвшөөрсөн учир бид хагалгаагаа эхлүүлсэн” гэж хэлжээ.

Донорууд ослын дараа ургамлан хүн буюу зөвхөн хүчилтөрөгчийн аппаратны тусламжтай амьсгалж байжээ. Хагалгааны нийт зардал 11 сая ам.доллар болсон байна.

Б.Дэлгэрцэцэг