Дуучин Мэрия Кери удаан хугацааны турш болзсон Австралийн тэрбумтан Жеймс Пакертэй сүй тавьсан тухай “www.dailymail.co.uk” мэдээллээ. “TMZ” сайтын мэдээлснээр “Өнгөрсөн сарын 31-нд Пакер Мельбурн хотноо байрлах “Tiara” гэх казинод дуучин бүсгүйд гэрлэх санал тавьсан” гэжээ.

Хос өчигдөр Сидней хотноо амарч байхдаа гэрэл зурагчдын дуранд өртсөн байна. Энэ үеэр дуучин бүсгүй сүйн бөгж зүүсэн байсан юм. Гэрчүүдийн ярьснаар “Сүйн бөгжний үнэ 500 мянган ам.доллар” гэнэ.

Мэри хэдийгээр сүй тавьсан ч 2005 онд гэрлэсэн, хоёр хүүхдийнхээ аав, хөтлөгч Ник Канноноос албан ёсоор салаагүй байгаа билээ. Хос хүүхдээ хэн асрах болон эд хөрөнгө хуваахаас болж өнөөдрийг хүртэл маргалдсаар байгаа юм. Тэд өнгөрсөн оны есдүгээр сард нохойгоо хэн авах талаар шүүхдэлцээд Кери ялалт байгуулсан билээ.

Б.Дэлгэрцэцэг