Улаанбаатар
“Эрдэнэт үйлдвэр”-ийн захирал Ц.Даваацэрэн хүний эрхийг зөрчсөөр байна уу?
2016-1-15

 

Одоогоос гурван жилийн өмнө, 2013 оны тавдугаар сард Монгол Улсын Хүний эрхийн үндэсний комиссоос “Эрдэнэт үйлдвэр”-ийн ерөнхий захирал Ц.Даваацэрэнд шаардлага хүргүүлж байв.

 

Учир нь 2013 оны дөрөвдүгээр сарын 29-30-ны хооронд Хүний эрхийн үндэсний комисс, Монголын үйлдвэрчний эвлэлийн холбоотой хамтран “Эрдэнэт үйлдвэр”-т хяналт шалгалт явуулсан. Уг шалгалтаар хэд, хэдэн зөрчил илэрсэн байна.  Үүний дагуу Хүний эрхийн комиссоос таван зүйлийн шаардлага хүргүүлсэн байдаг.

 

Тухайлбал шаард­лагад “...Компанийн ерөнхий захирлын 2011 оны арванхоёрдугаар сарын 30-ны өдрийн А/175 дугаар тушаалаар өндөр ур чадвартай монгол ажилчдад ур чадварын нэмэгдлийг төгрөгөөр тооцон өгч байхаар шийдвэрлэсэн байх боловч энэ нь орос ажилчдад олгож буй валютын нэмэгдлийн зөрүүг арилгаж ча­­даа­­гүй байна.

 

...Тус компани нь орос ажилчидтай ижил төрлийн ажил, хөдөлмөр эрхэлж буй монгол ажилчдад валютын нэмэгдэл хөлсийг огт олгодоггүй, зөвхөн орос ажилчдад үндсэн цалингаас гадна валютын нэмэгдэл хөлсийг олгож бай­гаа нь ажилчдыг ял­га­варлах, гадаад ажилч­дад давуу байдлыг бий болгож байна” гэсэн.

 

Уг шаардлагыг хүлээн авсан “Эрдэнэт үйлдвэр”-ийн ерөнхий захирал Ц.Даваацэрэн долоо хоногийн дотор “...Зөрчлөө арилгачихлаа” гэсэн хариуг Хүний эрхийн үндэсний комисст илгээж байжээ. Гэтэл дээрх зөрчил арилаагүй, өнөөг хүртэл байсаар байгааг “Эрдэнэт үйлдвэр”-ийн Хүдрийн ил уурхайн үйлдвэрчний эвлэлийн дарга П.Баттөр хэллээ.

 

Тэрээр 2016 оны нэгдүгээр сарын 12-нд Үндэсний мэдээллийн төвд сэтгүүлчдэд мэдээлэл хийхдээ “... “Эрдэнэт үйлдвэр” монгол ажилчдыг хоёрдугаарт, оросуудыг нэгдүгээрт тавьж үнэлдэг. Нийт 5500 монгол, 500 нь орос ажилчин бий. Оросууд монголчуудаас хоёр дахин өндөр цалин авдаг. Монгол ажилчдын дундаж цалин 1.6 сая төгрөг. Орос ажилтан бол энэ цалинг хэд нугалж авч байгаа. Энэ нь Хөдөлмөрийн тухай хууль болон олон улсын гэрээ кон­вен­­цийг зөрчиж бай­гаа. Ажилчдад баяр ёс­лол болохоор урам­­шуулал болгож мөнгө өгдөг. Гэхдээ ажилтнууд тогтмол, өөрсдийнхөө хөдөлмөрт тохирсон цалинг шударгаар авахыг хүсч байгаа” гэсэн юм. Эндээс үзвэл гурван жилийн өмнө арилгасан гэх зөрчил нь өнөөг хүртэл байсаар байгаа ажээ.

 

Үүнээс гадна “Эрдэ­нэт үйлдвэр”-ийн захирал Ц.Даваацэрэнгийн сүүлийн үед байнга ярих болсон  “Тус үйлд­вэрт шахааны биз­нес гэж байхгүй бол­сон” гэдгийг тэрээр үгүйсгэн “...Шахааны бизнес байгаа гэдгийг баттай хэлье. Бараа бүтээгдэхүүнийг зах зээлийн үнээс 2-3 да­хин өндөр үнээр нуга­лаад шахдаг” гэжээ.

 

Эх сурвалж: “Зууны мэдээ” сонин

Б.ОЧИР

Shuud.mn
Сонин хачин
Зочин:
Эрхэмүүд минь 49 ХУВЬ ЭЗЭМШДЭГ Орос улс Эрдэнэтэд ажилдаг иргэнээ хэдээр цалинжуулах нь маньд ямар хамаатай билээ?Энэ Баттөр хусдаг зүйлийг нь алга болгочихоор боож үхлээ шүү дээ? Өмнөх удирдлагынх нь үед шантаажаар авдаг, бас дээр нь шаардлага байхгүй зүйл шахдаг нь зогсохоор баларч байгаа юм байхдаа?
2016-01-15
зочин:
одоо наад нөхрөө солиочээ хэвлэлийн бай болсон гарыг. уг нь чадварын хувьд уурхайн салбарт маш таарууд орох боловсон хүчин шүү дээ. идэж уух талдаа овжин бж магадгүй л хүн бгаа юм.
2016-01-15
зху болон оху, снг-д 5 жил суралцаж төгссөн хүмүү:
зху болон оху, снг-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего ссср утас incorvuzmail.ru Утас88671597
2016-01-15
88671597:
зху болон оху, снг-д 5 жил суралцаж төгссөн хүмүүс оху-ын магистрийн гэрчилгээ нөхөн олгож байна. международная комиссия по признанию и эквивалентности учебных курсов, документов об образовании оформляет и выдаёт выпускникам высших учебных заведений бывшего ссср утас incorvuzmail.ru Утас88671597
2016-01-15