Японы Наганогийн цаны бааз руу явж байсан жуулчдын автобус осолдож, 14 хүн амиа алдаж, 24 хүн гэмтсэн талаар “CNN” агентлаг мэдээллээ. Осолдсон автобусанд 41 жуулчин зорчиж явсан хэмээн “NHK” агентлаг цахим хуудсаараа дамжуулан мэдэгдсэн байна.

Хохирогчдын мэдээлснээр “Автобус гэнэт жолоодлогоо алдаж, эсрэг урсгал руу орсон. Дараа нь осолдсон. Осол болох үед шөнийн 2.11 цаг болж байсан” гэжээ. Албаны хүмүүс жолоочийг зүүрмэглэсэн байх магадлалтай хэмээн таамаглажээ.

Аврах алба “Аврагчид ослын газар ирэх үед хоёр зорчигч амиа алдсан байсан. Шархагсдыг эмнэлэгт хүргэх явцад 12 хүн амиа алдсан” гэж уламжилжээ.

Б.Дэлгэрцэцэг