Франц улсад Сирийн Апелло хотоос цагаачлан ирсэн 30 настай залуу лото тоглоод нэг сая евро хожсон тухай “www.aljazeera.com” мэдээллээ. Дүрвэгч залуу Парис хотын нэгэн дүүргээс 10 еврогоор сугалаа худалдан авч, азаа үзсэн байна. Гэхдээ тэрбээр уг сугалааг 2011 оны тавдугаар сард худалдан авч, азтан болсон ч Францын Үндэсний лото агентлаг түүнд сая евро өгөхөөс татгалзжээ. Удаан хугацааны турш хэлэлцсэний эцэст тус агентлагийн удирдлагууд азтан болсон дүрвэгч залууд сугалааны мөнгийг нь өгөхөөр болсон байна.

Үндэсний лотоны агентлаг жилд нэг удаа сая долларын шагналтай лотог худалдаалдаг бөгөөд уг шагналын эзэн Франц улсын иргэн байх ёстой гэх шаардлага тавьдаг билээ. Дүрвэгч залуу сугалааны мөнгөөрөө байшин худалдан авч, зоогийн газар байгуулах төлөвлөгөөтэй байгаагаа сэтгүүлчдэд мэдэгджээ.

Хэвлэлүүд ялагчийн аюулгүй байдлын үүднээс нэр болон гадаад төрхийг нь нийтэд танилцуулаагүй хэмээн Үндэсний лотоны агентлагийн тэргүүн мэдэгдсэн байна. Ялагч 2011 оны нэгдүгээр сард гэр бүлийнхээ хамтаар Францад амьдрах болсон бөгөөд одоогоор түргэн хоолны ресторанд зөөгч хийдэг гэнэ.

Б.Дэлгэрцэцэг