НИТХ-ын тэргүүлэгчдийн 2015 оны нэгдүгээр сарын 26-ний өдрийн 28 дугаар тогтоолоор “Нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам”-ыг баталсан. Уг журмын дагуу Авто тээврийн хэрэгслийн албан татвар, төлбөр хураах ажлыг улсын дугаарын сүүлийн тооноос хамаарч төлөхөөр зохицуулалт хийгдсэн билээ. Үүний дагуу дээрх ажлыг энэ сарын 15-ны өдрөөс тавдугаар сарын 31 хүртэл зохион байгуулахаар болжээ. Энэ талаар хотын менежер Б.Бадрал, Улаанбаатар хотын цагдаагийн газрын замын хөдөлгөөн зохицуулах гэрээт хэлтсийн дарга, цагдаагийн хурандаа Б.Батболд нар мэдээлэл хийлээ.
Жолооч таны автомашины улсын дугаар:
Тодорхой шалтгааны улмаас тухайн сардаа төлж амжаагүй бол дараа сард нь заавал төлөх ёстой юм байна. Албан татвар, төлбөрөө төлөөгүй авто тээврийн хэрэгслийг гуравдугаар сарын 1-ний өдрөөс зургаадугаар сарын 30-ны хооронд хяналт тавьж, замын хөдөлгөөнд оролцуулахгүй байх арга хэмжээ авах тухай Улаанбаатар хотын цагдаагийн газрын замын хөдөлгөөн зохицуулах гэрээт хэлтсийн дарга, цагдаагийн хурандаа Б.Батболд мэдэгдлээ.
Татвараа төлөөгүй, техникийн хяналтын үзлэгт хамрагдаагүй зэрэг зөрчилтэй тээврийн хэрэгслийг гудамж, замд суурилуулсан камерийн тусламжтайгаар илрүүлэх аж.
Г.Тэгшсүрэн
Уншиж байна |