Чикаго Бүллс багийн төвийн тоглогч Жоаким Ноа зүүн мөрөндөө авсан гэмтлийн улмаас 4-6 сар талбайд гарах боломжгүй боллоо. Чикаго Бүллстэй байгуулсан гэрээ нь долоон сард дуусч чөлөөт агент болох юм. Тэрээр Бүллсийн төвөөр 9 улиралыг өнгөрөөсөн. Жоаким Ноаг бид ирэх улиралд өөр багийн өмсгөлтэй харж магадгүй юм.

2014-15 оны улиралд өвдөгний гэмтлээс болж тоглох минут нь хязгаарлагдаж байсан. Ноа энэ улирлыг эрч хүчээр дүүрэн эхлүүлсэн. Улмаар мөрний гэмтлийн улмаас гурван долоо хоног өнжөсний эцэст багтайгаа эргэн нэгдсэн ч дахиад л сэлгээнээс гарч тоглож байсан. Гэвч гэмтэлээс ирээд удаагүй дахин гэмтэлээ. Ноа энэ улирал 29 тоглолтонд 21.9 минутыг дунджаар талбайд өнгөрүүлж 4.3 оноо 8.8 самбар 3.8 дамжуулалт дунджилж байсан.