Монгол Улсын гавьяат тамирчин Бадамгаравын Гангаамаа дэлхийн долоон оргилын нэг өмнөд Америк тивийн ноён оргил Аконкагуа /6962 м / ууланд нэгдүгээр сарын 13-ний өдөр гарч, оргилд нь эх орныхоо алтан соёмбот төрийн далбаагаа мандуулсан. Тэрбээр энэ сарын 23-ны бямба гарагт эх орондоо буух нь ээ.
Уулчин Б.Гангаамаа Хонг-Конгийн тамирчинтай хамт оргилыг зорьсон боловч, хамтрагч уулчин 5500 метрийн өндрөөс буцаж, манай тамирчин цааш авиралтаа үргэлжлүүлсэн юм. Цаг агаарын таагүй байдлаас үүдэн Польшийн мөсөн голоор авирах төлөвлөгөөт замаа өөрчилж, энгийн замаар оргилд гарах зорилго тавьж, зүтгэснээр Аконкагуа оргилд гарчээ.
Б.Бэхи
Уншиж байна |