Монголын уламжлалт цагаан сарын баярыг угтан Архангай аймгийн Тариат сумын  цагаан идээний үзэсгэлэн худалдаа өнөөдрөөс  Бөхийн өргөөний гадна талбайд зохион байгуулагдаж эхэллээ.

Тус үзэсгэлэн худалдаанд уламжлалт арга технологиор хийсэн экологийн цэвэр бүтээгдэхүүнийг малчид өөрсдийн гар дээрээс нийслэлчүүдэд борлуулж байна. Үзэсгэлэн худалдаанд оролцохоор Тариат сумын 100 гаруй малчин өөрсдийн бэлтгэсэн 70 гаруй тонн цагаан идээг борлуулахаар хүрэлцэн ирсэн байна. Тариат сумын цагаан идээ нь “Архангай түншлэл” 2014, 2015 оны үзэсгэлэн худалдаанд аймгийн шилдгийн шилдэг бүтээгдэхүүнээр хоёр удаа шалгарч байжээ. Үзэсгэлэн худалдаа энэ сарын 26-ныг хүртэл үргэлжлэх аж.

Б.Бэхи