ОХУ-д гахайн ханиад буюу амьсгалын замын цочмог халдварт өвчин дэгдсэн учир нийслэл Москва хотноо хөл хорио тогтоосон талаар “TASS” агентлаг мэдээллээ.
Тус улсын Эрүүл мэндийн сайд Вероника Скворцова иргэдийг амны хаалттай олон нийтийн газраар үйлчлүүлэх, бага насны хүүхэд болон жирэмсэн эхчүүдийг гэрээсээ гарахгүй байхыг анхааруулсан байна.
Албаны хүмүүсийн мэдээлснээр “Уг гахайн ханиад болон томуугаар нийт хүн амын 37.8 хувь нь халдварлагдаад байгаа” гэжээ.
Өвчний тархалтыг зогсоохын тулд Москва хотноо үйл ажиллагаа явуулдаг улсын болон хувийн 828 сургууль, 602 цэцэрлэг, 15 тусгай сургуулийн үйл ажиллагааг тодорхойгүй хугацаагаар хаах шийдвэрийг Ерөнхийлөгч В.Путин гаргасан байна.
Гахайн ханиадын улмаас 50 хүн амиа алдсан бөгөөд ганцхан долоо хоногийн дотор уг вирусын халдвараар 24 хүн нас баржээ.
Б.Дэлгэрцэцэг
Уншиж байна |