НӨАТ-ын тухай хууль шинэчилсэн найруулгаар энэ оны нэгдүгээр сарын 1-ний өдрөөс хэрэгжиж эхэлсэн. Ингэснээр иргэд худалдан авалтынхаа үнийн дүнгийн хоёр хувийн урамшуулал авах эрхтэй болсон. Мөн сард хоёр удаа сугалаанд оролцохоор зохицуулсан.

Эхний сугалаа нэгдүгээр сарын 17-нд болсон бол дараагийнх өнөөдөр болно. Энэ өдөр нийт 4800 орчим азтан тодрох гэнэ. НӨАТ-ын баримтын хоёр дахь сугалааны тохирлыг өнөөдөр 19:30 цагт МҮОНРТ-ээр орон даяар шууд дамжуулах юм.

Харин анхны сугалаанаас 1044 азтан тодорсноос 160 хүн хонжвороо аваад байгаа аж.  Хонжвороо аваагүй хүмүүс "ebarimt.mn" сайтад нэвтэрч мөнгөө авах эрх нь нээлттэй байгаг албаны хүн мэдээлэв. 

Б.Хүлэг