УИХ-ын чуулганы нэгдсэн хуралдаан хугацаа сунган хуралдаж байна. Хуралдаанаар Монгол Улсын Их хурлын тухай хуульд нэмэлт өөрчлөлт оруулах тухай төслийн анхны хэлэлцүүлгийг хийлээ. Анхны хэлэлцүүлгээр батлах саналыг гишүүдийн олонх дэмжсэн юм. Ингэснээр УИХ-ын Нийгмийн бодлого, боловсрол, соёл, шинжлэх ухааны байнгын хорооны харьяа дэд хорооны нэрийг Тогтвортой хөгжлийн зорилтын дэд хороо хэмээн өөрчилж байгаа юм.
Дараагаар нь Хууль тогтоомжийн тухай хуульд өөрчлөлт оруулах тухай хуулийн төслийн анхны хэлэлцүүлгийг хийж гишүүдийн 81.4 хувийн саналаар баталлаа. Энэ хуулийн хэрэгжих хугацаа 2017 оны нэгдүгээр сарын нэгэн болж хугацаа сунган өөрчлөгдөж байна.
Одоо Хүүхдийн эрхийн тухай /шинэчилсэн найруулга/ болон холбогдох бусад хуулийн төслүүдийн анхны хэлэлцүүлгийг хийж, зарчмын зөрүүтэй саналаар санал хураалт явуулж байгаа юм.
Н.Энх
| Уншиж байна |