Иракийн хэт даврагч “Халифын вант улс” бүлэглэлд агаараас цохилт өгч буй АНУ тэргүүтэй олон улсын эвсэлд Саудын Араб улс нэгдэхээр болжээ. Ийнхүү эвсэлд 24 улс нэгдэж байна. Пентагоны тэргүүн Эштон Картер “Саудын Араб улсын эвсэлд нэгдэх хүсэлтийг хүлээн авсан” гэж хэлжээ.
Ром хотноо эвслийн хурал зохион байгуулагдаж буй бөгөөд энэ оны төсвөө хэлэлцэж буй юм. Төлөөлөгчид энэ онд хэт даврагчдын эсрэг цэргийн ажиллагаанд долоон сая ам.долларыг төсөвлөжээ. Ирэх долоо хоногт Брюссель хотноо Сири болон хэт даврагчдын асуудлаар олон улсын чуулга уулзалт болно. Энэхүү уулзалтын үеэр олон улс Саудын Араб улсыг Сири рүү явган цэргээ оруулах эсэхийг хэлэлцэх юм.
Саудын Араб улс агаарын ажиллагааг төдийлөн амжилт олохгүй байна хэмээн дурьдаж, явган цэргээ сөргөлдөөний бүс рүү илгээх санал гаргасан билээ. Саудын Араб улс өнгөрсөн оны аравдугаар сард Арабын эвсэл байгуулж, хэт даврагчдад цохилт өгч эхэлсэн юм. Уг эвсэлд 36 улс нэгджээ.
Б.Дэлгэрцэцэг
Уншиж байна |