Хойд Солонгос өчигдөр орон нутгийн цагаар 9.31 цагт цаг агаар судлах зорилготой хиймэл дагуул ачсан пуужингаа хөөргөсөн талаар “CNN” агентлаг мэдээллээ. “Сохэ” туршилтын талбайгаас пуужин хөөрсөн байна.

Пхеньян пуужин хөөөргөсөн гэх мэдээллийг Японы Засгийн газар “J-Alert” системийн тусламжтай хүлээн авч НҮБ-ын Аюулгүй зөвлөл болон БНХАУ-ын Батлан хамгаалах яаманд мэдээлжээ.

Өмнөд Солонгосын Батлан хамгаалах яам “Пхеньяны дээрх туршилт амжилтгүй болсон. Пуужингийн эхний хэсэг Шар тэнгист унасан” гэсэн байна.

Сөүлийн мэдээллийг Пхеньян эрс үгүйсгэсэн бөгөөд тус улсын төрийн мэдлийн “KCNA” агентлаг “Хойд Солонгос улсын хиймэл дэлхийн тойрогт амжилттай орлоо” хэмээн ард түмэндээ мэдээлжээ.

“NHK” агентлаг “Хиймэл дагуулын хамгаалалтын дэлгэц Чежудо аралд унасан” гэж мэдээлжээ. Пхеньян пуужин туршсантай холбогдуулан АНУ-ын Засгийн газар болон НҮБ хамтран хориг тавихаар болсон байна.

Б.Дэлгэрцэцэг