Венесуэлд зикагийн улмаас гурван хүн амиа алджээ
2016-02-13

 

Венесуэлд зика вирусийн халдвар авсны улмаас гурван хүн амиа алдсан тухай тус улсын Ерөнхийлөгч Николас Мадуро мэдэгдсэн тухай “CNN” агентлаг уламжлав.

 

Ерөнхийлөгч “Венесуэлд уг вирусийн халдвар авсан 319 тохиолдол бүртгэгдсэний 68-ынх нь биеийн байдал хүнд байгаа бөгөөд харамсалтай нь гурван хүн нас барлаа” гэж мэдэгджээ.

 

Тэрбээр халдвар авсан хүмүүсийг эмчлэх эм, тариаг нийлүүлэхийг ДЭМБ-ын ерөнхий захирал Маргерат Чанаас хүсчээ.

 

Өнгөрсөн оны арваннэгдүгээр сарын 5-наас энэ оны хоёрдугаар сарын 8-ны хооронд тус улсад “Зика” вирусийн халдвар авсан байж магадлалтай 5200 тохиолдлыг илрүүлж, тусгаарлажээ.

 

Вирусын улмаас жижигхэн толгойтой ураг мэндэлж буйтай холбогдуулан Мадуро 2018 оныг хүртэл эмэгтэйчүүдийг жирэмслэхийг хатуу хориглосон билээ.

 

Б.Дэлгэрцэцэг

Shuud.mn
Сонин хачин