Иракийн хэт даврагч “Халифын вант улс” бүлэглэл гадаад дуу сонссон гэж 15 настай хүүг олны өмнө цаазалсан тухай “www.dailymail.co.uk” мэдээллээ. Хүүгийн нэрийг Аяхам Хуссейн гэдэг бөгөөд түүний цүнхнээс 15 дуутай гадаад дууны цомог олдсон гэнэ. Цаазын ялыг Иракийн Мосул хотын төвд үйлджээ.

“Тус бүлэглэл хэт даврагчаар бэлтгэгдэж буй 100 гаруй бага насны хүүхдэд уг цаазын ялыг үзүүлсэн” хэмээн Сирийн Хүний эрхийн байгууллагаас мэдээлэв.

Хүүгийн аав Набу Ёунис “ARA news” агентлагт “Хүү минь хэт даврагч биш. Тэд гэнэт л манай гэр рүү дайрч орж ирсэн. Дараа нь хүүг минь барууны дуу хөгжим сонссон хэмээн буруутгаж, авч явсан” гэж ярьжээ.

Б.Дэлгэрцэцэг