Украины зүүн хязгаарт хямрал үргэлжилсээр байгаа учир АНУ-ын эрх баригчид Оросын эсрэг хэрэгжүүлж буй эдийн засгийн хоригоо дахин нэг жилээр сунгасан талаар “www.dailymail.co.uk” мэдээллээ. Ерөнхийлөгч Барак Обама өчигдөр хоригт гарын үсгээ зурсан байна.
Оросыг талыг баримтлагчид 2014 оны эхээр зүүн хязгаарт хяналтаа тогтоосон билээ. АНУ салан тусгаарлагчдыг ОХУ зэвсгээр хангадаг хэмээн буруутгаж, 2014 оны гуравдугаар сарын 11-ны өдөр тус улсын эсрэг эдийн засгийн хориг тавьсан. “Орос улс салан тусгаарлагчдыг дэмжсээр байвал хоригийнхоо хугацааг сунгасаар байх болно” хэмээн Обама сануулж байсан билээ.
Хоригийн хугацааг сунгах шийдвэрийн дараа Ерөнхийлөгч В.Путин “Энэ бол утгагүй асуудал” гэсэн байна. Тэрбээр салан тусгаарлагчидтай ямар ч холбоогүй хэмээн дахин мэдэгджээ.
Б.Дэлгэрцэцэг
Уншиж байна |