Олон улсын эмэгтэйчүүдийн эрхийг хамгаалах өдрийг тохиолдуулан Улсын Филармонийн Баянмонгол жазз найрал хөгжим “Бүсгүй минь инээмсэглэж яваарай” тоглолтоо маргааш буюу 2016.03.08-ны 19:00 цагт Улсын Филармонийн тайзнаа тоглох гэж байна.

 

Тоглолтонд удирдаач УГЗ Б.Ганбат, удирдаач СТА С.Саруул-од болон улсын Филармонийн гоцлол дуучид ороцлоно. Мөн тоглолтын хөтөлбөрт “Хорвоод ганцхан ээждээ”, “Гоёхон чимэг ч юм уу даа” , “Донжтой бүсгүй”, “Ээжийн бүүвэйн дуу”, “Эх үрсийн элбэрэл”, “Үртэй хүн жаргалтай” зэрэг эх үр, элбэрэл хайрын тухай олон сайхан дуу дуулагдах юм байна.