Хойд Солонгосын удирдагч Ким Чен Ун тус улсын эрдэмтэд баллистик пуужинд багтахаар жижгэрүүлсэн цөмийн зэвсэг бүтээсэн хэмээн мэдэгдсэн талаар “www.yonhapnews.co.kr” дамжууллаа.
Тус улсын төрийн мэдлийн “KCNA” агентлаг өнгөрөгч онд хэд хэдэн удаа “Эрдэмтэд жижгэрүүлсэн цөмийн зэвсэг бүтээхээр ажиллаж байна” хэмээн мэдээлсэн юм. Анх удаа удирдагч "Хойд Солонгос улс жижгэрүүлсэн цөмийн зэвсэгтэй болсон" хэмээн мэдэгджээ.
Ким Чен Ун өчигдрийн мэдэгдлийнхээ үеэр “Дайныг өдөөн турхирч буй ямар ч улс руу цөмийн зэвсэг байршуулсан баллистик пуужинг харвах болно” гэсэн байна.
НҮБ-аас тус улсыг жижгэрүүлсэн цөмийн зэвсэгтэй болсон эсэхийг шалгахаар болжээ.
Б.Дэлгэрцэцэг
Уншиж байна |