• 2016-03-18

Хүн амины онц ноцтой хэргийг шүүхээр шийдвэрлэжээ

img

Хүн амины ноцтой хэргийг шүүхээр шийдвэрлэжээ. Сүхбаатар аймгийн Сум дундын эрүүгийн хэргийн анхан шатны шүүхэд хэргийг энэ сарын 14-ний өдөр хэргийг хэлэлцээд З, Ө нарыг Эрүүгийн хуулийн 91 дүгээр зүйлийн 91.2.2, 91.2.6, 91.2.11, 91.2.12, 91.2.15 дахь хэсэгт заасан гэмт хэргийг үйлдсэн гэм буруутайд тооцож, хорих ял оногдуулсан байна.

 

Мөн уг хэргийг гарах үед З, Ө нартай цуг байсан О-г бусдыг амь биед нь аюултай нөхцөл байдалд оруулсан байхад нь тусламж үзүүлээгүй, тусламж үзүүлэх шаардлагатайг зохих байгууллагад мэдэгдээгүйгээс хүний амь нас хохирч, хүнд хор уршиг учруулсан гэм буруутайд тооцож, Эрүүгийн хуулийн 107 дугаар зүйлийн 107.3 дахь хэсэгт хорих ял оногдуулж, Өршөөл үзүүлэх тухай Монгол Улсын 2015 оны 08 дугаар сарын 11-ний өдрийн хуульд хамруулж, ялаас өршөөн хэлтрүүлжээ.

 

Хэргийг сөхвөл, Сүхбаатар аймгийн Баяндэлгэр суманд 2014 оны 09 дүгээр сарын 10-наас 11-нд шилжих шөнө хүн амины онц ноцтой хэрэг гарч тус сумын харьяат С-н амь насыг онц харгис хэрцгий аргаар хохироож, улмаар сумын төвөөс гарган, хээр аваачиж цогцсыг нь нуусан хэргийг Хэнтий аймгийн харьяат эрхэлсэн тодорхой ажилгүй З, Ө нар нь бүлэглэн үйлдсэн болохыг тогтоож, мөрдөн байцаалтын ажиллагааг явуулснаар  прокуророос яллах дүгнэлт үйлдэн шүүхэд шилжүүлээд байсан юм. 

 

Б.Хүлэг

СЭТГЭГДЭЛ БИЧИХ

ахаха:
Бүгдээрээ мэдрэл муутай,ямар ч харгис аргаар хэдэн ч хүнийг алаж амь насыг хохирооход тцаазын ялгүй болсон,чадаж мбайгаа юманд арга байхгүй гэсэнтэй адил,ийм болохоор сүүлийн жилүүдэд энэ гэмт хэргийг үйлдэх арга нь улам харгис хэрцгий,учруулах хор уршиг нь үлэмж их болсон,манай төр алуулсан хүнээ биш алсан хүнийхээ нэр төрийг их өргөмжилдөг,монгол хүний амь насны үнэ цэнэ буурсан гэхээр шахуу бодлого барьж байна,гэхдээ нэг их удахгүй энэ гаж бодлого засагдах залруулагдах болуу гэж боддог,ер нь манайхан гадаадын дуурайх юмаа дуурайж дуурайхгүй юмаа орхиж баймаар санагддаг,хуулиа өөрчлөхдөө иргэдээсээ хуульчдаасаа санал авсан бол арай ч ийм байдалд хүрэхгүй байсан байж мэдэх л юм,уучлаарай энэ бол миний л хувийн бодол шүү.
2016-03-18
Уншигч:
Б.Хүлэг гэдэг нэртэй хүн бодвол сэтгүүлч мэргэжилтэй байх. Хүн АЛСАН онц ноцтой хэргийг шүүхээр шийдвэрлэжээ гэж байгаа юм уу, эсвэл ХҮНД онц ноцтой хэргийг шүүхээр шийдвэрлэжээ гэсэн юм уу, таамаглан байж гөрдөж уншлаа. Доторх агуулга нь бүүр утгагүй, З, Ө нар хэдэн жилийн хугацаатай хорих ялаар шийтгэгдсэн нь алга. Иймэрхүү мэдээ хэнд хэрэгтэй юм бэ. Аймаг хотын шүүхүүд өдөр бүр шахам хүнд болон онц хүнд гэмт хэргийг шийдвэрлэж байгаа шүү дээ. Хүнд хэрэгтэй, аятайхан сургамжтай зүйл бичмэр аядвал зүгээр дээ.
2016-03-18
gg:
Хүн онц ноцтой хэргийг шүүхээр шийдвэрлэжээ. Мэдрэл муутай юм. Юугаа бичээд байгаа юм бэ.
2016-03-18
erdene:
yadakhdaa garchigiig ni zuv bichdeg boloosoo!!!!
2016-03-18
Уншигч:
Б.Хүлэг гэдэг нэртэй хүн бодвол сэтгүүлч мэргэжилтэй байх. Хүн АЛСАН онц ноцтой хэргийг шүүхээр шийдвэрлэжээ гэж байгаа юм уу, эсвэл ХҮНД онц ноцтой хэргийг шүүхээр шийдвэрлэжээ гэсэн юм уу, таамаглан байж гөрдөж уншлаа. Доторх агуулга нь бүүр утгагүй, З, Ө нар хэдэн жилийн хугацаатай хорих ялаар шийтгэгдсэн нь алга. Иймэрхүү мэдээ хэнд хэрэгтэй юм бэ. Аймаг хотын шүүхүүд өдөр бүр шахам хүнд болон онц хүнд гэмт хэргийг шийдвэрлэж байгаа шүү дээ. Хүнд хэрэгтэй, аятайхан сургамжтай зүйл бичмэр аядвал зүгээр дээ.