УИХ-ын гишүүн Л.Цог, Г.Уянга нар УИХ дахь “Шударга ёс” эвслийн бүлгээс гарах тухайгаа мэдэгдсэн. Үүнтэй холбогдуулан “Шударга ёс” эвсэл дэхи МАХН, МҮАН-ын дарга нар байр сууриа илэрхийлэн хамтарсан мэдэгдэл гаргажээ. Уг мэдэгдэлд Л.Цог Г.Уянга нар шийдвэрээ гаргахын өмнө эвсэл, намын удирдлагууд, нөхөдтэйгээ уулзаж, санал бодлоо солилцолгүй, улс төрийн ёс зүйн жудаггүй алхам хийсэнд харамсаж байна. “Шударга ёс” эвслийн бүлэг цаашид ч үйл ажиллагаагаа явуулах хууль эрхзүйн чадамжтай байгаагаа мэдэгдье. Хамтарсан Засгийн газрын үйл ажиллагааг тогвортой байлгах бодлого хэвээр байгааг дурдаад “АН болон АН-ын эрх бүхий албан тушаалтны санаачлагаар хамтарсан Засгийн газарт квотын дагуу ажиллаж байгаа эвслийн аль нэг гишүүнийг солих өөрчлөх алхам хийсэн тохиолдолд хамтарсан Засгийн газрыг байгуулсан анхны гэрээ хүчингүй болно” гэдгийг мэдэгдсэн байна.
Уншиж байна |