Сангийн сайд Б.Болор маргааш сэтгүүлчдэд цаг үеийн асуудлаар мэдээлэл хийнэ. Уг хэвлэлийн хурал 11.00 цагт Сангийн яаманд болно.

Сангийн сайд энэ сарын эхээр Канад улсад ажлын айлчлал хийхдээ “Хан Ресурс” компанийн төлөөлөгчидтэй хэлэлцээ хийж, өрийн асуудлаар тохиролцоонд хүрсэн.  Ингэснээр Монгол Улсын Засгийн газар “Хан Ресурс”-т 70 сая ам.доллар төлөхөөр болсон юм. Өөрөөр хэлбэл хэлэлцээний үр дүнд 106 сая ам.доллараас 46 саяыг нь хүчингүй болгожээ.

Мөн энэ долоо хоногийн Засгийн газрын хуралдаанаар Энэтхэг Улсын Засгийн газрын 1 тэрбум ам.долларын экспортын зээлийн нөхцөлийг дэмжсэн. Энэтхэгийн зээлийн нөхцөл ямар байх зэргээр Сангийн сайдад сэтгүүлчдэд мэдээлэх цаг үеийн асуудал цөөнгүй бий.

В.Бат