Хууль бусаар жонш олборлож байжээ
2016-03-30

Дундговь аймгийн Хулд сумын “Түймэрт цагаан” гэх газраас зөвшөөрөлгүй жонш олборлож байгаа мэдээлэл иржээ. Энэ мэдээллийн дагуу тус аймгийн Цагдаагийн газар, Мэргэжлийн хяналтын газар, Тагнуулын хэлтсийн алба хаагч нар хамран хяналт шалгалт зохион байгуулжээ.

 
Шалгалтын үр дүнд Дундговь аймгийн харьяат иргэн Ө нь техник хэрэгсэл ашиглан зохих зөвшөөрөлгүйгээр жонш олборлож байсан үйлдлийг таслан зогсоож, хууль бусаар олборлосон 120 тонн жонш, ашигласан эксеваторыг улсын орлого болгосон байна.

 

Иргэн Ө-г “Ашигт малтмалын тухай хууль”-ийн 7-р зүйл, 7.3 дахь хэсэг 66-р зүйл дэх хэсэгт тус тус заасны дагуу 5.760.00 төгрөгөөр торгожээ. 

Shuud.mn
Сонин хачин