ШӨХТГ-ын дарга Д.Мөнхтөр Монголын нефть, хийн үндэсний ассоциаци”, Газрын тосны бүтээгдэхүүн импортлогчдын мэргэжлийн холбооны удирдлагуудтай уулзаж, шатахууны үнийг бууруулах асуудлаар ярилцжээ.

ШӨХТГ-ын удирдлага шатахууны үнийг бууруулах судалгааг танилцуулж, салбарын мэргэжлийн холбоодтой ойлголцолд хүрсэн байна. Тэд ойрын хугацаанд шатахууны үнийг бууруулах эсэх хариугаа ШӨХТГ-т өгөхөөр болжээ.

ШӨХТГ-аас авто бензин дизелийн түлшний зах зээлд голлох үйл ажиллагаа эрхэлж байгаа зарим аж ахуй эрхлэгчдийн дотоодын зах зээлд худалдааж буй авто бензин дизелийн түлшний жижиглэнгийн үнэ бүрдэлтийн байдалд хяналт шалгалт хийсэн юм. Тэгэхдээ нийслэлд зарагдаж буй шатахууны жижиглэнгийн үнэ доод тал нь 50-100 төгрөгөөр буурах боломжтойг  тогтоожээ. Уг судалгаагаа нефть импортлогч компаниудад хүргүүлж, үнээ буулгаач гэсэн хүсэлтийг тавиад буй юм.

В.Бат