"Live energy" уул уурхайн компанийн захирал А.Эрдэнэбат, их аварга Д.Дагвадорж 10 сая ам.долларыг хувьдаа захиран зарцуулсан талаар сэтгүүлчдэд мэдээлэл хийлээ. Түүний мэдээллийг бүрэн эхээр хүргэж байна.
Тэрбээр “Би сүүлийн 13 жил монголын уул уурхайн салбарт бизнес эрхэлж байна. Хэдэн жилийн өмнө манай компанийн төсөл дээр нэмэлт хөрөнгө оруулалт хийхээр их аварга Д.Дагвадорж, түүний ах, тухайн үед үндэсний хөрөнгө оруулалтын банкны ТУЗ-ын дарга байсан Д.Сумъяабазар, тус банкны хөрөнгө оруулалтын ТУЗ-ын дарга Б.Баярсайхан нар манай төсөлд хөрөнгө оруулах зорилгоор БНХАУ-ын Хуан Ёу Лун гэгчийг надтай танилцуулсан. Түүнийг “Хуан жү гэг” киноны жүжигчин Жао вэйгийн гэр бүлийн хүн гэдгээр нь илүүтэй мэдэх байх. Улмаар Хуан Ёу Лун манай төсөлд нэмэлт хөрөнгө оруулалт хийхээр бидний хооронд гэрээ хэлэлцээр бий болсон. Бид бусад олон улсын компанийн жишгээр гэрээ байгууллаа. Эхний төсөл дээр Хуан Ёу Лун бид хоорондоо 10 сая ам.долларын зээлийн гэрээ байгуулсан. Улмаар гэрээг надтай байгуулсан боловч 10 сая долларыг Үндэсний хөрөнгө оруулалтын банк буюу Д.Дагвадоржын дансруу хоёр хуваан шилжүүлсэн байдаг. Тэгэхээр зээлийг би хариуцсан ч захиран зарцуулах асуудалд огт оролцоогүй, мөнгийг Дагвадорж өөрөө захиран зарцуулсан байдаг. Миний хувийн дансанд нэг ч доллар ороогүй. Тэгэхээр Дагвадоржыг зориулалтын бус байдлаар амин хувьдаа завшсан байж болзошгүй гэдэг асуудлаар би Монголын хуулийн байгууллагад хандсан байгаа. Мөн энэ асуудлыг олон улсын арбитрын шүүх гурван жил хэлэлцэх гэж байна.
Миний дансанд орж ирээгүй 10 сая доллараа 15 сая доллар болгон Хуан Ёу Лун надаас нэхэмжилж эхэлсэн. Хуан Ёу Лун Эрдэнэбат гэдэг хоёр хүний маргаан энд өрнөж байхад дунд нь Дагвадорж гэдэг хүн “би гомдолтой” гээд яваад байгааг ойлгохгүй байна. Үнэндээ тэр хохирол амссан хүн тэр биш би. Дээрх мөнгийг өөрийн дансанд шилжүүлэн авч ашигласан атлаа өөрөө хохирсон хохирогч болж хууль цагдаад хандаж, намайг залилагч мэт болгож худал мэдээлэл тараасаар тодорхой цаг хугацаа өнгөрлөө. Харин миний зүгээс Д.Дагвадоржид учруулсан хохирол огт байхгүй бөгөөд тэрбээр ийнхүү хүний өмнөөс хууль бус үйлдлүүдийг идэвхтэй явуулж байгаад үнэхээр гайхаж байна” хэмээв.
Асуудлыг үнэн мөнөөр шийдээгүй тохиолдолд “Live energy” компанийн зүгээс Хонгконгын цагдаа, хэвлэл мэдээллийн байгууллагад хандана гэдгээ мэдэгдлээ.
Г.Тэгшсүрэн
Уншиж байна |