Украины зүүн хязгаарт өлсгөлөн газар авчээ
2016-4-8

Украины зүүн хязгаарт өлсгөлөн, ажилгүйдэл газар авч байгаа тухай НҮБ-ын Украины асуудал хариуцсан төлөөлөгч мэдэгдлээ. Ойролцоогоор 1.5 сая иргэн өлсгөлөнд нэрвэгдэж, хүнс тэжээлийн хомсдолд орсон гэв. Өнөөдрийн байдлаар 300 мянган орчим хүн хүнс тэжээлийн дутагдалд орсон бөгөөд яаралтай эмчилгээ хийх шаардлагатай гэнэ.

 

“Оросууд тусгаарлагдсан мужийн оршин суугчдад хүмүүнлэгийн тусламж нийлүүлж байгаа ч нэг, хоёр өдрийн л хэрэгцээг хангаж байна” хэмээн “TASS” мэдээлжээ. Украин дахь Дэлхийн хүнсний хөтөлбөрийн тэргүүн Жанкарло Стоппони “Улс төр, хямрал, үймээнээс болж энгийн иргэд амиа алдах вий хэмээн болгоомжилж байна. Газар нутгаа чөлөөлөх нь зөв хэдий ч иргэдээ нэгдүгээрт тавих нь хамгийн чухал. Зүүн хязгаарт хүнс нийлүүлэх талаар Киевийн удирдлагуудтай уулзсан ч уг уулзалт тодорхой үр дүнд хүрээгүй” гэж хэлсэн байна.

 

“Нормандын дөрвөл”-ийн байгуулсан Минксийн гэрээ хэдий сөргөлдөөний бүсэд хүчин төгөлдөр хэрэгжиж байгаа ч зүүн хязгаарын оршин суугчид өдөр бүр буун дуу сонсдог тухайгаа сэтгүүлчдэд өгүүлжээ. “Тун удахгүй хэн гэрээг зөрчиж байгаа тогтоох болно” хэмээн Оросын талаас уламжилсан байна.  

 

2014 оны наймдугаар сараас эхлэн Дэлхийн хүнсний хөтөлбөр байгууллага Луганск мужийн 370 мянган иргэн, Донецк мужийн 180 мянган иргэнд хүнс нийлүүлэх болжээ.

 

Б.Дэлгэрцэцэг

Shuud.mn
Сонин хачин
Зочин:
Дайныг дэрвээж байгаараа Оросууд хүнсээр хангах ёстой. Хэрвээ Оросууд хүмүүнлэгийн тусламж нэртэй зэр зэвсэг буу сум нийлүүлэхээ больчихвол наад салан тусгаарлагч нар чинь нум сум барьж байлдахгүй бол дайн хийж чадахгүй больчихоно ш дээ
2016-04-08
zochin:
Ta ooroo medeelel muutai baidag bol hudlaa um bicheed yahavdee, Oros l dain damjraahgui torgooj bna, ooriin irgedee alj baigaa poroshenkog ta yu geh ve??? Onoodriig hyrtel oros ochnoon zuun udaa hynsnii zuvaa yavuulj avaachij ogson, baruunii buruu medeelel avdag tan shig hyn mongold ch ayultai, Ukrainchuud fashist zangaa tavihgui baina, baruuniihan nydee aniad, estoi devreej baina shdee…joohon tolgoigoo ajilluulah zag boljee...
com:
Mongoloos tolbor nehej tenegtej baihaar olsgolongoos yaj garahaa l bodmoor yum bna daa
2016-04-08