УИХ-ын чуулганы нэгдсэн хуралдаан үргэлжилж байна. Хуралдаанаар Ерөнхий сайдад тавьсан өрийн асуулгыг хэлэлцэж байгаа юм. Ерөнхий сайд Ч.Сайханбилэг “Өрийн дарамтад ороогүй” гэдгийг онцолсон бол УИХ дахь МАН-ын бүлгийн дэд дарга Д.Хаянхаярваа хэлсэн үгэндээ “Эдийн засгийн хувьсгал хийнэ гэсэн та бүхэн өрийн хувьсгал хийчихлээ. Засгийн газрын гадаад, дотоод өрийн хэмжээ 3.5 дахин нэмэгдлээ. Нийт зээлийн 90 орчим хувь нь өндөр хүүтэй, хугацаа багатай зээл. Томоохон бүтээн байгуулалтыг санхүүжүүлэхийн оронд гудамж талбай засах, хүүхдийн форум оёх, зайрмагийн цех байгууллаа. Өндөр хүүтэй дээрх зээлийг томоохон бүтээн байгуулалт зарцуулах хэрэгтэй. 2012 оноос хойш Их өрийн шинэ үеийг эхлүүллээ. Нэг жилд 1000 цэцэрлэг барих мөнгийг зээлийн хүүд өгдөг болсон. Саяхан Засгийн газар 500 сая ам.долларын зээлийг 10.1 хувийн хүүтэй зээлийг арайхийж болголоо. Монгол Улсын зээлжих зээлийг 4 дахин бууруулав” хэмээв.
Н.Энх
Уншиж байна |