Нийслэлийн МАН-ын Хорооны хуралдаан болж 2016 оны НИТХ-ын сонгуульд оролцох Мөрийн хөтөлбөрөө хэлэлцлээ.

Сонгуулийн хуулийн дагуу Мөрийн хөтөлбөрийг 4 дүгээр сарын 20-ны дотор Аудитийн байгууллагад гарган өгч хянуулах учиртай. Хэрэв МАН, МАХН-тай нэгдэх асуудал яригдвал тэр үед нь Мөрийн хөтөлбөрийг хэрхэн нийлцүүлэх асуудлыг дахин хэлэлцэх ажээ.

Мөрийн хөтөлбөрийг хүнээ дээдэлсэн зарчимд суурилан үндсэн 5 чиглэл, 7 бүлэгтэйгээр боловсруулжээ. Мөн амьдралд нийцсэн хэт мөрөөдлийн биш хөтөлбөрийг сөрөг хүчний байр сууринаас боловсруулсан байна.