Хиларигийн санхүүжүүлэгч нь Клуни гэжээ
АНУ-ын Ерөнхийлөгчийн сонгуульд Ардчилсан намаас нэр дэвшихээр намын сунгаанд өрсөлдөж буй Бен Сандерас өчигдөр мэдэгдэл хийх үеэрээ Хилари Клинтоны санхүүжүүлэгч нь холливуудын нэрт жүжигчин Жорж Клуни гэж мэдэгдсэн талаар “CNN” агентлаг дамжууллаа.
Сандерас “Клуни эртнээс Хиларигийн сонгуулийн кампанит ажлыг санхүүжүүлж ирсэн. Тэдний үйлдэл сонгуулийн хуулийг зөрчихөөс гадна өрсөлдөгч бидэнд дарамт учруулж байна. Тиймээс Клуни дээрх хууль бус үйлдлээ нэн даруй зогсоож, иргэний дагуу сонгуулийн ажилд оролц” гэж мэдэгджээ.
Уг мэдээллийн дараа Клуни “ВВС” агентлагт “Намайг нууц санхүүжүүлэгч мэтээр ярьж байгаа нь шударга бус. Би их гайхаж байна. Намайг Хиларитай холбох хэрэггүй. Бидний дунд ямар ч харьцаа байхгүй” гэж хэлсэн байна.
Харин Хиларигийн талаас ямар нэгэн мэдээлэл хийгээгүй аж. Сандерасын мэдээллээс үндэслэн сонгуулийн хороо уг асуудлыг шалгахаар болжээ.
Б.Дэлгэрцэцэг
СЭТГЭГДЭЛ БИЧИХ