Холливуудын нэрт жүжигчин Том Круз болон Кейти Холмс нарын охин Сури өчигдөр 10 нас хүрчээ. Кейти охиныхоо төрсөн өдрийг Лондон хотноо байрлах диснейлэндэд тэмдэглэсэн тухай “www.dailymail.co.uk” мэдээллээ.

Төрсөн өдөрт жүжигчний гэр бүл, хамаатан садан, найз нөхөр оролцсон ч Суригийн аав буюу Том оролцоогүй нь олныг алмайруулжээ.  “Том Испанид зураг авалттай байгаа учир охиндоо баяр хүргэхээр ирж амжаагүй” хэмээн Кейти хэлсэн ч түүний үг худлаа болохыг “TMZ” сайт мэдээлсэн байна.  Том охиныхоо төрсөн өдрөөр Испанид бус Нью Йорк хотноо байсан бөгөөд хэдэн найзынхаа хамтаар ууж байсан гэнэ.

Сури өнгөрсөн онд инстаграм нээсэн бөгөөд төрсөн өдөрт нь ирээгүй аавдаа “Та намайг үнэхээр гомдоолоо” хэмээн бичжээ.

Б.Дэлгэрцэцэг