"Рио-2016" Олимпийн эрх олгох чөлөөт, сонгомол бөхийн “The first “Last-Chance” буюу “Эхний сүүлийн боломж” тэмцээн өндөрлөлөө. Энэ тэмцээнд ОУХМ Ц.Намуунцэцэг, Гавьяат тамирчин О.Бурмаа, Азийн аварга Д.Хүдэрбулга нар олимпийн эрхийн төлөө барилдсан ч эрхээ авч чадсангүй.
Тэмцээний эрэгтэй чөлөөт бөхийн төрөлд 51 орны 142 бөх өрсөлдөв. 97 кг-ын жинд Д.Хүдэрбулга нэгдүгээр тойрогт Грекийн бөх Мишель Цикованийг 10:0, хоёрдугаарт тойрогт Унгарын бөх Атилла Смикийг 2:0, гуравдугаар тойрогт ХБНГУ-ын бөх Геннадий Кудиновичийг 3:1 онооны харьцаагаар ялж хагас шигшээ шалгарсан. Тэрбээр олимпийн эрхийн төлөөх барилдаанд Узбекийн бөх Магомед Идрисович Ибрагимовт 2:9 онооны харьцаагаар ялагдаж, дагах барилдаанд Өмнөд Солонгосын бөх Ким Жае Кангийг 4:1 онооны харьцаагаар өвдөг шороодуулж, Молдавын бөх Николай Чебанд 4:9 онооны харьцаагаар хожигдсоноор олимпийн эрхээс мултарлаа.
Манай улсын чөлөөт бөхийн найман тамирчин "Рио-2016" Олимпийн эрхээ аваа буй юм.
В.Бат
Уншиж байна |