УИХ дахь МАХН-МҮАН-ын “Шударга ёс” эвслийн өргөтгөсөн хуралдаан боллоо. Хуралдаанаар Сонгуулийн хуулийг тойрсон асуудлаар хэлэлцсэн. Хуралдаан МАХН-ын дарга Н.Энхбаяр хэлсэн үгэндээ “Үнэт зүйлтэй, тодорхой бодлоготой хүмүүс улс орныг хөгжүүлдэг. ҮХЦ Сонгуулийн хуулиас намын жагсаалтаар сонгогдохыг хууль зөрчсөн гэж үзжээ.  Хүний эрхийн үндэсний  хөтөлбөрт сонгууль болохоос 6 сарын өмнө хуульд өөрчлөлт оруулж болохгүй гэж заасан байдаг. ҮХЦ үүнийг зөрчлөө. Тоглоомын дүрмээ тодорхой, хариуцлагатай болгох үүднээс энэ заалтыг бид 2003 онд оруулж байсан юм. Гэтэл МАНАН өөртэй ашигтай хувилбарыг оруулж ирж байна. ҮХЦ гэмт хэрэг хийлээ.  УИХ-ын сонгуулийн тойргийг энэ хуульд заасан сонгуулийн тогтолцоо, аймаг, нийслэлийн нутаг дэвсгэрийг харгалзан сонгууль болохоос 150 хоногийн  өмнө тогтооно гэж заасан. Гэтэл энэ нь сонгуулийн хуулиа зөрчиж, хууран мэхлэх, луйвардах ажлыг хийж байна. Намын жагсаалтаар саналаа өгөхөд намыг биш хүнийг дугуйлах ёстой. Сонгогч олон юм чинь нэг хүнд олон санал ирэхгүй. Тэр саналыг нийлүүлж байгаад тухайн намд, багтсан өгсөн санал болно. Уг саналыг намын жагсаалтаар бус сонгогчийн саналаар эрэмбэлүүлэх ёстой.  Ийм хувилбар байгаа ч АН, МАН дэмжихгүй. Хэрэв Монгол Улс нэг том тойрог байвал Монголын бүх сонгогчдыг Итгэл хамба руу зөөж чадахгүй, бүх сонгогчдод мөнгө өгч чадахгүй.  Гэтэл Цэц МАНАН-ын захиалгаар гэмт хэрэг хийж байна. Монголын ардчилалыг нухчин дарж байна. Хиймэл олонхийг бий болгож, олгархиудыг өөгшүүлж байна. Сонгуулийг хамгийн муухай луйврын аргаар сонгодог болох гэж байна хэмээлээ.

Н.Энх