Налайх дүүргийн Засаг дарга Б.Баяндэлгэр, ИТХ-ын дарга С.Батдорж нарыг АТГ-ын Мөрдөн шалгах хэлтэст Эрүүгийн хуулийн 268-аар сэжигтнээр татан шалгаж эхэлжээ.
Уг зүйл ангид зааснаар албан тушаалтан хээл хахууль өгөгчийн ашиг сонирхлын үүднээс албан үүргийн хувьд гүйцэтгэх үүргээ хэрэгжүүлэхгүй байх, эсхүл гүйцэтгэх ёсгүй үйлдлийг хийхээр урьдчилан амлах буюу амлахгүйгээр өөрөө, эсхүл бусдаар дамжуулан хээл хахууль авсан гэсэн үндэслэлээр буруутган шалгаж байгаа аж.
Тэднийг иргэдэд газар олгохдоо бусдаас онц их хэмжээний мөнгө авсан байж болзошгүй хэмээн сэжиглэжээ. Гэм буруутай нь тогтоогдвол албан тушаал хаших эрхийг нь хасч, гурван жил хүртэлх хугацаагаар хорих ялаар шийтгэхээр заажээ.