Сонгуулийн тухай хууль болон холбогдох журмын дагуу МАХН анхан шатны нэгжүүдээсээ 45 мандат дээр 45 нэр дэвшигчийг тодруулсан байна.  

Тодруулбал, тус намынхан “Сонгуулийн хувьсгалаас Хөгжлийн хувьсгал руу” уриан дор мөрийн хөтөлбөрөө боловсруулж сонгуульд өрсөлдөх юм байна. Хамгийн олон хүн амтай Сонгонохайрхан, Баянзүрх дүүрэгт есөн нэр дэвшигч, Баянгол, Сүхбаатар, Хан-Уул, Чингэлтэй дүүрэгт зургаа, Налайх, Багахангай, Багануур дүүрэгт тус бүр нэг нэр дэвшигчийг тодруулжээ.

Тухайлбал, Баянгол дүүрэгт Г.Нямдаржаа, Н.Баатарням, М.Амартүвшин, Баянзүрх дүүрэгт Д.Баясгалан, С.Ононбаяр, Б.Дэмбэрэлдодов нар нэр дэвшихээр болсон байн. Сонгинохайрхан дүүрэгт Д.Баярсайхан, Мөнхцэцэг, Баттулга, Хан-Уул дүүрэгт Б.Жагар, С.Оюунцэцэг, Я.Дашдорж, Чингэлтэйд Л.Шагдаррагчаа, С.Сэргэлэн, М.Лхагважав, Налайхад Н.Баяраа, Багахангайд Д.Энхсайхан, Багануурт Ц.Хишигсайхан нар нэр дэвшихээр мандатаа авчээ.