УИХ-ын чуулганы нэгдсэн хуралдаан өглөө 09.00 цагт эхлэх товтой байсан ч одоо ч ирц бүрдэхгүй байна. Хуралдааныг УИХ-ын дэд дарга Р.Гончигдорж даргалж буй бөгөөд тэрбээр гишүүдийг танхимд орж ирэхийг хүсч байна.
Өнөөдрийн хуралдааны эхэнд Шүүх байгуулах тухай хуулийг хэлэлцэх ёстой. Хуралдаан даргалагч МАН-ын бүлгийн гишүүд хуралд ирэхгүй байгаа нь Шүүх байгуулах хуулийн хэлэлцэхээс санаатайгаар татгалзаж байна гэсэн байр суурийг илэрхийлж байна. Харин МАН-ын бүлгийн дарга С.Бямбацогт "та нар хүч түрдэг, ингэж болохгүй" хэмээн бухимдлаа илэрхийллээ.
Өчигдрийн Төрийн байгуулалтын байнгын хорооны хуралдаанаар сонгуулийн тойрог байгуулах, мандат хуваарилах асуудлыг хэлэлцэж, шийдвэрлэсэн. Харин МАН-ынхан цөөнгүй асуудалд санал нэгдэхгүй гэдгээ илэрхийлж, хуралдааныг орхисноор АН-ын тогтоолын баталсан. Тиймээс ч МАН-ынхан өнөөдөр эсэргүүцлээ илэрхийлж, чуулганы хуралдаанд орохгүйгээр шийдсэн бололтой.
Гишүүдийн ирцийн мэдээллийг эндээс харна уу.
В.Бат