Багдад хотноо халдлага үйлджээ
2016-05-16 09:37

Хэт даврагч “Халифын вант улс” бүлэглэлийн дайчид энэ амралтын өдөр Иракийн хойд хэсэгт байрлах төрийн өмчийн хийн үйлдвэрт халдлага үйлдсэн тухай “www.dailymail.co.uk” мэдээллээ. “Халдлагаар 11 хүн амиа алдаж, 22 хүн шархтсан” хэмээн Багдад хотын Цагдаагийн газраас уламжилжээ. “Амиа алдагсдын дунд уг үйлдвэрийн захирал бий” хэмээн орон нутгийн хэвлэлүүд мэдээлсэн байна.

 

Армийн хамгаалтад байдаг уг үйлдвэрийг хэт даврагчид эзлэхийг санаархаж, машины зогсоолын орчимд бөмбөг тэсэлжээ. Дараа нь үйлдвэрийн байранд амиа золиослогч этгээд өөрийгөө егүүтгэсэн аж.

 

Хэт даврагчид ийнхүү нэг долоо хоногийн хугацаанд Багдад хотноо дараалласан халдлага үйлдлээ. Өнгөрөгч пүрэв гаригт хэт даврагч Багдад хотноо байрлах эмнэлгийн байранд халдлага үйлдэж, 15 хүний аминд хүрчээ.

 

Б.Дэлгэрцэцэг

Shuud.mn
Сонин хачин