Украины зүүн хязгаарт осолдсон Малайзын “МН17” онгоцны зорчигчдын ар гэрийнхэн ОХУ-ын Ерөнхийлөгч В.Путинийг шүүхэд өгсөн талаар “CNN” агентлаг мэдээллээ. Ослоор 298 хүн амиа алдсан юм.

Зорчигчдын ар гэрийнхэн Путиний тушаалаар Оросын цэргүүд “МН17” онгоцыг устгасан хэмээн мэдэгдэж, Европын Хүний эрхийн шүүхэд гомдол гаргажээ. Нийт 33 хүн Австралийн Сидней хотноо байрлах “LHD Lawyers” хуулийн фирмд шаардлагатай бичиг баримтыг өгсөн байна. Тэд “Путин хохирогч тус бүрт 10 сая австрали доллар өгөх ёстой” гэж мэдэгджээ.

Уг асуудлаар Путиний хэвлэлийн төлөөлөгч “МН17” осолтой Орос улс ямар ч холбоогүй” гэж мэдэгдсэн байна.

“МН17” онгоцыг “Бук” гэх пуужин харвасан нь мөрдлөгөөр тогтоогдсон билээ. Харин уг пуужинг хэн харвасан нь өнөөг хүртэл тодорхойгүй байгаа юм.

Б.Дэлгэрцэцэг