Өнөөдрөөс УИХ-ын сонгуульд нэр дэвшүүлэх ажил эхэлнэ. Нам, эвслүүд нэр дэвшигчдээ тодруулж, Сонгуулийн ерөнхий хороонд хүргүүлж, батламж авснаар парламентын сонгуульд өрсөлдөх эрх нь нээгдэнэ.
Намууд ямар зарчим барьж нэр дэвшигчдээ тодруулах нь одоогоор тодорхойгүй байна. Гэхдээ АН оффшор данстнуудыг нэр дэвшүүлэхгүй нь тодорхой болов. АН-ын дарга З.Энхболд оффшор бүсэд данстай хүнийг намаасаа УИХ-ын сонгуульд нэр дэвшүүлэхгүй гэдгээ мэдэгдлээ. Тэрбээр мөн бусад намууд ч оффшор данстай хүнийг нэр дэвшүүлэхгүй байхыг уриалав.
АН-аас ЗГХЭГ-ын дарга С.Баярцогт, кёкүшюзан Д.Батбаяр нар оффшор бүсэд данстай болох нь илрээд буй юм. Мөн хотын дарга Э.Бат-Үүлийн хүү Б.Чулуудай ч тус бүсэд данс эзэмшигч болох нь зарлагдсан билээ.
В.Бат