МАН нэр дэвшигчдээ 24.00 цагаас өмнө тодруулна
2016-05-27

МАН-ын Удирдах зөвлөлийн хурал өндөрлөснөөр,  бага хурал Тусгаар тогтнолын ордонд хаалттай хуралдаж эхэллээ.   Тус намын Удирдах зөвлөлөөс УИХ-ын  сонгуульд нэр дэвшүүлэх 76 гишүүнээ хэлэлцэн бага хуралдаа танилцуулж байгаа юм.

 

УИХ-ын гишүүн Ж.Энхбаяр Баянзүрх дүүрэгт, УИХ-ын гишүүн Д.Сарангэрэл Хан-Уул дүүрэгт,    ЭМ-ийн экс  дэд сайд Ц.Цолмон Хөвсгөл аймагт   тус тус нэр дэвших нь тодорхой болоод байна.

 

Энэ удаагийн сонгуулиар УИХ-ын гишүүн Д.Дэмбэрэл, Су.Батболд нар өрсөлдөхгүй нэрээ татсан. Харин бага хурлын эхэнд УИХ-ын гишүүн Ё.Отгонбаяр нар  нэрээ татлаа.   УИХ-ын гишүүн Ё.Отгонбаяр МАН-ын экс дарга С.Баярын хамт сонгуулийн менежэрээр ажиллахаар тохирчээ. Тиймээс нэг мандаттай Булган аймагт МАН-аас ЗТЯ-ны Төрийн нарийн бичгийн дарга байсан Ж.Бат-Эрдэнэ нэр дэвшиж байна.

 

Харин МАН-ын экс генсек У.Хүрэлсүхийн фракцынхныг сонгуульд нэр дэвшүүлээгүй жийсэн сурагтай.   МАН-ын бага хурал өнөөдөртөө багтааж сонгуульд нэр дэвшигчдээ тодуулж, тогтоол батлах юм. Тус нам өнөөдөр 23.30 цагаас мэдээлэл хийх юм байна.

 

Н.Энх

 

 

Shuud.mn
Сонин хачин