Жүдогийн олимпийн эрх олгох сүүлчийн тэмцээн буюу “World Masters 2016” Мексик улсын Гуадалхара хотод энэ сарын 27-29-нд боллоо. Дэлхийн чансаагаар эхний 16-д эрэмбэтэй байгаа шилдэг жүдочид өрсөлддөг тус тэмцээнд манай улсаас энэ жил 17 бөх зодоглосон. Тус тэмцээнээс манай гавьяат тамирчин Д.Сумъяа эмэгтэйчүүдийн 57 кг-д алтан медаль хүртэж, тус тэмцээний 3 удаагийн аваргаар тодорсон Монгол жүдоч боллоо.
Түүний хувьд 2013, 2015, 2016 он дараалан дэлхийн шилдгүүдийн тулаан "Мастерс"-т түрүүлсэн анхны Монгол жүдоч боллоо. 66кг-ын шилдэг бөх ОУХМ Санжаасүрэнгийн Мияарагчаа "Мастерс"-т хоёр дараалан түрүүлж байсан удаатай.
Эрэгтэйчүүдийн 66 кг-д ОУХМ Д.Төмөрхүлэг, 73 кг-д Г.Одбаяр нар мөнгөн медаль, 60 кг-д Д.Амартүвшин хүрэл медаль тус тус хүртжээ.
Уншиж байна |