Дуучин Нара УИХ-ын сонгуульд Баянгол дүүрэгт бие даан нэр дэвшиж буй. Сонгуульд бие даан нэр дэвшинэ гэж мэдэгдсэнээс нь хойш түүнийг дэмжигчдийн тоо тасралтгүй өсч буй. Нэг хэсэг эмэгтэй хүн гэдэг талаас нь дэмжиж байхад нөгөө хэсэг нь “ядаж гар цэвэр” хэмээн итгэл хүлээлгэж буй.
Сонгуульд нэр дэвшиж буй нь Нарагийн тэвчээрийг багагүй шалгах бололтой. Өнөөдөр л гэхэд Гамбууш түүн руу дайрч доромжилж буй бичлэг олон нийтийн сүлжээгээр цацагдлаа. Ширээний хүүхэн ямар байдгийг олон тайлбарлаж, Нара руу дайрсан Гамбуушийн бичлэг олонд таалагдсангүй. Харин ч эсрэгээрээ Гамбууш руу дайралт хийх цаашлаад захиалагч, нууц эзнийг нь олох эрэлд гаргав. Олон нийтийн сүлжээний хэрэглэгчдийн нэг хэсэг нь энэ бичлэгийг УИХ-ын гишүүн С.Эрдэнийн захиалгаар хийсэн хэмээн шуугиж байна. Учир нь Баянгол дүүрэгт С.Эрдэнийн гол өрсөлдөгчөөр Нара нэрлэгдээд буй юм.
В.Бат