Ерөнхий сайд Ч.Сайханбилэгийг сонгуулийн хууль зөрчсөн тухай УИХ-ын сонгуулийн 69 дүгээр тойрогт Иргэний Зориг ногоон намаас нэр дэвшигч С.Батбаатар А.Баярхүү нар өнөөдөр “Монгол ньюс” мэдээллийн төвд мэдэгдэл хийлээ.
Тодруулбал, Сонгуулийн тухай хуулийн 70 дугаар зүйлийн 70.1-д “Ээлжит сонгуулийн жил эхэлсэнээс хойш санал хурааж дуустал аливаа этгээд сонгогчдын саналыг татах, үйл ажиллагаа явуулахыг хориглоно” гэж заасан байдаг.
Тэгвэл УИХ-ын 52 дугаар тойрогт нэр дэвшч буй Ерөнхий сайд Ч.Сайханбилэг нь Сонгуулийн хуулийн 70.1.8-д заасны дагуу “хишиг, хувьцаа тараах, санхүүгийн дэмжлэг үзүүлэхийг хориглоно...” гэх мэт заалтыг албан тушаалын давуу байдлыг ашиглан зөрчсөн байна гэлээ.
Хурлын үеэр ИЗНН-аас нэр дэвшигч С.Батбаатар “Сонгуулийн сурталчилгаа эхэлсэн энэ өдрүүдэд хишиг хувьцаа тараана гэж иргэдийн тархийг угааж байна. Нэг хүнд 300 мянга гэхээр 900 тэрбум төгрөг Монголын Засгийн газарт байхгүй. Энэ бол цэвэр сонгуулийн шоу.Тиймээс би өнөөдөр өмгөөлөгчөөрөө дамжуулан нэхэмжлэлээ шүүхэд хүргүүлнэ.
Одоогийн байдлаар Сүхбаатар дүүргийн цагдаагийн дөрөвдүгээр хэсэгт гомдол гаргасан” байгаа гэв.