Зундуйн Алтангэрэл Хөвсгөл сумын иргэдтэй уулзалт хийлээ
2016-6-20

УИХ-ын 13 дугаар тойргоос нэр дэвшиж байгаа Зундуйн Алтангэрэл Хөвсгөл суманд ажиллан иргэд, сонгогчидтой уулзалт хийлээ.

 

 

З.Алтангэрэл: Хөвсгөл суманд аялал жуулчлал хөгжих бүрэн боломжтой

 

- Хөвсгөл сум түүх соёлын дурсгалт газар  ихтэй. Их суварга, Сүлдэн овооны сүлдийг хадгалж байсан уламжлал байна. Мөн Ханги мандлын зам тавигдах талаар яригдаж байна. Энэ зам тавигдах юм бол аялал жуулчлал хөгжих сайхан боломж бий. Эхнээсээ том суварга нь баригдаад явж байна. Заавал уул уурхай гээд уул усаа ухаад байлгүй хөдөөд хүмүүсийн үзэх аялал жуулчлалыг хөгжүүлэн  гол орлогоо олох бүрэн боломжтой. Мөн мал аж ахуйгаа эрүүлжүүлэн малчид маань малын гаралтай бүтээгдэхүүнийг гадагшаа гаргаж эдийн засгийн эргэлтэнд оруулах боломж бий гэж үзэж байна.

 

 

 Хөвсгөл сумын иргэд Эрүүл мэндийн салбарт голлон анхаарч байна

 

Дорноговь аймгийн Хөвсгөл сумын төвд 400 гаруй иргэн амьдарч байна. Харин мянга гаруй иргэн сумын төвөөс зайдуу мал, аж ахуй эрхлэн ажиллаж байгаа юм. Аймгийн хэмжээнд сүүлийн дөрвөн жилд хийгдсэн зарим бүтээн байгуулалтаас онцолвол эрүүл мэндийн төвийн барилгын их засварыг 2014 онд улсын төсвийн хөрөнгөөр “122731.7” засварласан. Гудамжны гэрэлтүүлэг шинээр суурилуулсан, ЕБС-н 60 ортой дотуур байр шинээр барьсан, 75 хүүхдийн цэцэрлэгийн барилга угсралт зэрэг баггүй ажил хийгдсэн байна. Түүнчлэн аймаг орон нутгаас эрүүл мэндийн салбарт голлон анхаарч байгааг нутгийн иргэд хэлж байлаа. Тухайлбал, “Эрүүл мэндийн салбарын хөгжил” хөтөлбөрийн шугамаар эмнэлгийн тоног төхөөрөмжөөр  бүрэн хангагдсан. Хүн амын дунд эрүүл мэндийн зүлэгийг жилд хоёроос таван удаа явуулдаг байна.

 

 

З.Баянмөнх: Орон нутагт ажлын байр нэмэгдүүлэх тал дээр аймгийн удирдлагууд анхаарч ажиллах хэрэгтэй байна. Их сургуулиа төгсөөд мэргэжил эзэмшсэн ч ажлын байр олдохгүй байх нь их. Тиймээс орон нутагт амьдарч байгаа залуус аймгийн төв, нийслэлийг зорих нь их байна. Зундуйн Алтангэрэл нэр дэвшигч Дорноговь аймагт аялал жуулчлалыг хөгжүүлж олон залуусыг ажил амьдралд нь хөл залгуулж яваа. Энэ ажлаа илүү их өрөгжүүлэхийг хүсч байна. Манай Хөвсгөл суманд аялал жуулчлал хөгжих бүрэн боломжтой. Тухайлбал, Цуурайгийн хийд, Харанхуй ам зэрэг олон түүхэн домогтой, байгалийн сонин тогтоцтой газар бий. Газар нутгаа хайрлаж хамгаалах, түүх соёлоороо бахархах үзлийг залуус бид З.Алтангэрэлээс суралцаж байна. Түүний хийж бүтээсэн олон ажлаар бахархаж байна.

 

 

суманд ажиллан иргэд, сонгогчидтой уулзалт хийлээ

 

Эх сурвалж: itime.mn

Shuud.mn
Сонин хачин