Төр нь иргэнээ гэсэн сэтгэлтэй байя
2016-6-24

АН-ын бодлогын алдаанаас үүдэлтэйгээр жил бүр төсвийн орлого нэг их наяд орчим төгрөгөөр тасарч байгаа. Болоогүй, энэ бүхнээ нөхөхийн тулд АН-ынхан татвар нэмэхээс өөр сонголтгүй болсон. Ерөнхий сайд нь ямар ч төрлийн татвар нэмэхгүй гэж хэлээд бэх нь ч хатаагүй байхад  нийслэлийн Засаг дарга нь хотын татвар нэмчихэж байх жишээтэй.  Харин Ардын нам “Татвар нэмэхгүй, шинэ төрлийн татвар бий болгохгүй” хэмээн мөрийн хөтөлбөртөө тусгажээ. Ардын нам АН шиг улсад учруулсан их өр, зээлээ иргэдээр төлүүлэхгүй. Эдийн засгийн хямралын горыг иргэддээ амсуулахгүй гэсэн байна. Төр нь иргэнээ гэсэн сэтгэлтэй байж гэмээнэ түмэн олон амгалан амьдрах учиртай. Улс төрийн ууган нам ийм л бодлоготойгоор сонгуульд оролцож байна. Харин жилдээ 1.5 тэрбумаас бага орлоготой аж ахуйн нэгжийн орлогын албан татварыг нэг хувь болгон бууруулах бодлого хэрэгжүүлжээс гадна бага орлоготой иргэн төдийгүй, үндэсний томоохон бизнес эрхлэгчдээ дэмжихийг ч мөрийн хөтөлбөртөө багтаасан. Монгол хүний үнэ цэнэ, бүтээмж, өрсөлдөх чадвар, үнэлэмжийг бүх салбарт өсгөж, цалин, урамшууллыг өсгөж, өрхийн сарын дундаж орлогыг хоёр дахин нэмэгдүүлнэ. Энэ бүх бодлогын үр дүнд таны амьдралд, эдийн засагт, улс оронд итгэл найдварын өөрчлөлт бий болно гэж тусгажээ.

 

Эх сурвалж: МАН-ын сонгуулийн төв штаб

Shuud.mn
Сонин хачин