Улаанбаатар
Монгол дамжин өнгөрөх тээврийн асар их боломжтой орон
2016-6-25

Монгол Улсын Ерөнхийлөгч Цахиагийн Элбэгдорж Бүгд Найрамдах Узбекистан Улсын нийслэл Ташкент хотод болж буй ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд өнөөдөр үг хэллээ.

 

 

Тэрбээр хэлсэн үгэндээ:

 

“Эрхэм хүндэт Ерөнхийлөгч Ислам Абдуганиевич Каримов,

Эрхэм хүндэт Төлөөлөгчдийн Тэргүүн нар аа,

Зочид, төлөөлөгчид өө,

Хатагтай, ноёд оо,

 

Юуны өмнө Та бүхэнд ШХАБ үүсч хөгжсөний 15 жилийн ойг тохиолдуулан чин сэтгэлийн баяр хүргэж буйг хүлээн авна уу. Энэ ойн хүрээнд тус байгууллагын гишүүн орнуудын төрийн тэргүүн нарын зөвлөлийн ээлжит хуралдааныг амжилттай зохион байгуулж буй Бүгд Найрамдах Узбекистан Улсын Ерөнхийлөгч Ислам Каримов Танд болон танай Засгийн газарт гүн талархлаа илэрхийлье.

 

Өнгөрсөн 15 жилийн хугацаанд ШХАБ нь аюулгүй байдал, худалдаа, эдийн засаг соёл, боловсрол, шинжлэх ухаан, хүмүүнлэгийн салбар зэрэг олон талт хамтын ажиллагааг хамарсан байнгын ажиллагаатай бүс нутгийн олон улсын байгууллага болж чадсан билээ. ШХАБ-ын олон улсын нэр хүнд өсч, үйл ажиллагааны цар хүрээ нь тэлж бэхжихийн хэрээр түүнтэй хамтран ажиллах түншлэгч орнууд ч  нэмэгдэж байна.

 

Өнгөрсөн 12 жилийн хугацаанд Монгол Улс нь ШХАБ-ын гишүүн орнуудын төр, засгийн тэргүүн нарын болон салбарын сайд нарын уулзалтад тогтмол оролцож, тус байгууллагын олон талт эдийн засгийн хамтын ажиллагаанд оролцох сонирхолоо илэрхийлж ирсэн.Энэ үүднээс ШХАБ-ын гишүүн, ажиглагч орнууд, яриа хэлцээний түншүүдийн хооронд хамтран ажиллах механизм бүрдүүлэх нь чухал гэж үздэг.

 

Монголын тал ШХАБ-ын гишүүн, ажиглагч орнуудын үндэсний зохицуулагчдын “6+5” уулзалтыг өөр хоорондын хамтын ажиллагааг хөхиүлэн дэмжих чухал механизм гэж үздэг. Энэхүү механизмыг цаашид байнгын шинжтэй болгох саналтай байна.

 

Эрхэмсэг нөхөд өө,

 

Өнгөрсөн онд Уфа хотноо баталсан ШХАБ-ын 2025 он хүртэлх хөгжлийн Стратеги нь тус байгууллагын 10 жилийн хөгжлийн төлвийг тодорхойлсон баримт бичиг болсон билээ. Энэхүү стратегийн баримт бичигт ШХАБ нь ажиглагч орнуудтай бодит хамтын ажиллагааг бэхжүүлж, тэдгээрийг төслийн үйл ажиллагаандаа татан оролцуулах болсныг сайшаан тэмдэглэж байна.

 

 Бүс нутгийн аюулгүй, тогтвортой байдлыг хангахад улс орнуудын харилцан ашигтай хамтын ажиллагаа чухал тулгуур болж байна. Монгол Улс ШХАБ-ын хүрээнд дэд бүтэц, худалдаа, эдийн засаг, хөдөө аж ахуй, байгаль орчин, гамшигтай тэмцэх зэрэг чиглэлд хамтран ажиллахад тэргүүлэх ач холбогдол өгч байна.

 

Монгол Улс нь дамжин өнгөрөх тээврийн асар их боломжтой орон, хоёр хөрштэйгөө ч энэ чиглэлээр чухал ач холбогдол бүхий хэлэлцээрүүдийг байгуулж байна. Монголын нутгаар дамжуулан нефьт, хийн хоолой, зам тээврийн бүтээн байгуулалт хийх боломжийг хамтран судалж, том төслүүдийг ШХАБ-ын холбогдох төслүүдтэй уялдуулах боломжтойг энд цохон тэмдэглэе.

 

Өчигдөр Монгол, Орос, Хятадын гурван талын дээд түвшний ээлжит уулзалт болж гурвалсан хамтын ажиллагааны тохиролцоонд хүрлээ. Гурван талын баталсан Эдийн засгийн коридор байгуулах хөтөлбөр нь бүс нутгийн олон талт хамтын ажиллагаа, түүний дотор ШХАБ, ЕврАзийн эдийн засгийн холбоо, Монголын “Талын зам”, Хятадын “Торгоны замын эдийн засгийн бүс” санаачилгуудыг уялдуулан хөгжүүлж хамтын ажиллагааны шинэ орон зай бий болгох чухал алхам боллоо.

 

Хатагтай, ноёд оо,

 

Ирэх 7 дугаар сарын 15-16-нд Улаанбаатар хотноо АСЕМ-ийн дээд түвшний 11 дүгээр уулзалт болон АСЕМ-ийн 20 жилийн ойн арга хэмжээг зохион байгуулах бэлтгэл ажлыг хангаж байна.

 

АСЕМ-ын уулзалтыг амжилттай зохион байгуулахад ШХАБ-ын гишүүн, ажиглагч, яриа хэлцээний түншүүд дэмжлэг туслалцаа үзүүлж буйд талархалаа илэрхийлэх ялдамд энэхүү арга хэмжээнд Та бүхнийг идэвхтэй оролцохыг хүсье.

 

Анхаарал тавьсанд баярлалаа" гэлээ.

Shuud.mn
Сонин хачин
zochin:
saihan shaah yum daa
2016-06-26
Зочин:
Ийм тийм боломжтой л гэж хуцах юм, шууд биелүүлээд үр дүнг нь яриач Элбэгдоржоо, чиний энэ худлаа яриаг чинь 20-иод жил сонсоод залхалаа, хурдан тамруугаа зайлж үз
2016-06-26
nugd:
zamaa tabij chadahgvi bj ih uym hutsah uymaa ene hvzvvgvi nohor
2016-06-26
Зочин:
end tend ochij mungu uren bj hudlaa hoshgorno terniig ni tooj bga uls guren amitan ugui ee gej. ene 7 jild ih olon gazar uzej nud tailj avlaa da te yurunhiilugch guai
2016-06-26
ХАР БИЗНЕСҮҮДЭЭР ДАГНАСАН ХАР МӨРТИЙГ БҮҮ СОНГООР:
ОХУ-РУУ ЯВХАД АВДАГ ЦЭНХЭР БИЧГИЙГ Г.БАТХҮҮ ГЭЖ ЛУЙВАРЧИНГЫН МАТНХ БУЮУ NARTAM ГЭЖ ТББ-ААС САЛГАЖ АВЧ ЗТЯ, АТҮТ ТӨР ЗАСАГ НЬ ӨӨРСНӨӨ ОЛГОДОГ БОЛМООР БАЙНА. ТУС ТББ-ЫН ОДОО ӨГЧ БАЙГАА НӨХЦӨЛ НЬ СОЛОНГОС, ЯПОН, АНУ-ЫН ВИЗНИЙ НӨХЦӨЛӨӨС Ч ХҮНД ХЭЦҮҮ НӨХЦӨЛ ШАЛГУУР ЗААЖ NARTAM-ЫН ХҮҮХНҮҮДИЙН ИНЭЭД НЬ ХҮРЭЭД ДАЛДУУР ДАМЛАЖ ШАГЛААД СУУЦГААЖ БАЙНА. Г.БАТХҮҮ ЯВСАН ГАЗАР БАЛАГТАЙ, БАТГАНА ЯВСАН ГАЗАР ӨТТЭЙ ГЭЖ ОХУ-ЫН ЗТЯ-НААС ЯВУУЛСАН ОРОС ЦЭНХЭР БИЧИГТ ЗАМААС НЬ ЭЗЭН СУУЧИХСАН МӨНГӨ БОЛГОЖ ЗАРЖ ДАМЛААД СУУЖ БАЙГАА Г.БАТХҮҮ ЛУЙВАРЧИНГААС БИД ЭНЭ СОНГУУЛИАР САЛАХ ЦАГ БОЛСОН.
2016-06-25
Зочин:
tenehees oor yumgui teneg eronhiilegch oo gj.
2016-06-25