Британийн “www.dailymail.co.uk” сайт өчигдөр зохион байгуулагдсан парламент болон орон нутгийн сонгуулийн талаар мэдээлэл нийтэлжээ.
Монгол Улсад парламент болон орон нутгийн сонгууль амжилттай зохион байгуулагдлаа. Уг сонгуулиар сөрөг хүчин Монгол Ардын нам үнэмлэхүй ялалт байгуулж, парламентад олонхийн суудал авлаа.
Монгол Улс ОХУ болон БНХАУ-ын дунд оршдог ардчилсан улс юм. Тус улсын эдийн засаг хөршүүдээсээ шууд хамааралтай. Сонгуулийн урьдчилсан дүнгийн дараа эрх баригч Ардчилсан нам ялагдлаа хүлээн зөвшөөрч, сөрөг хүчин Монгол Ардын намын дэмжигчдэд баяр хүргэжээ.
Сонгуулийн ерөнхий хороо орон нутгийн цагаар 22.00 цагт сонгуулийн урьдчилсан дүнгийн талаар мэдээлэл хийлээ. Парламентын 76 суудлын 63-ыг сөрөг хүчнийхэн авсан. Албан ёсны дүн маргааш гарна.
Уг мэдээллийн дараа сөрөг хүчний тэргүүн М.Энхболд намынхан болон дэмжигчиддээ талархал илэрхийлжээ. Тэрбээр “Монголы ард түмэн бидэнд итгэл хүлээлгэлээ. Энэ нь асар их хариуцлага хэмээн дүгнэж байна” гэж хэлсэн байна.
Сонгуулийн дүнг электрон дэлгэцээр үзүүлсэн бөгөөд зарим нэр дэвшигч цөөхөн саналын зөрүүгээр ялагдал хүлээжээ. Бие даан нэр дэвшсэн 69 нэр дэвшигчийн нэг нь ялалт байгуулсан аж. 2008 оны сонгуулийн дараа тус улсад үймээн дэгдэж, таван хүн амиа алдсан билээ. Уг дахин дэгдэхээс эмээж буйгаар эрх баригчид мэдэгджээ.
Б.Дэлгэрцэцэг
Уншиж байна |