ОХУ-ын Ерөнхийлөгч В.Путин болон Туркийн Ерөнхийлөгч Режеп Тайип Эрдоган нар өчигдөр анх удаагаа утсаар ярилцсан талаар Кремлийн хэвлэлийн төлөөлөгч Дмитрий Песков мэдэгдлээ. Удирдагчид ийнхүү хагас жилийн дараа анх удаагаа утсаар ярилцаж буй юм. Тэд 40 орчим минут ярилцсан бөгөөд ярианыхаа төгсгөлд биечлэн уулзахаар болсон байна.
Эрдоган ярианыхаа эхэнд ослоор амиа алдсан байлдааны “Су 24” онгоцны нисгэгчийн гэр бүлд эмгэнэл илэрхийлсэн байна. Тэрбээр энэ долоо хоногийн эхээр ОХУ-аас албан ёсоор уучлалт гуйсан билээ.
Удирдагчдын дээд хэмжээний уулзалт энэ онд зохион байгуулагдахыг Песков онцлов. Тэрбээр мөн Ерөнхийлөгч Путин Оросын иргэдийг Турк руу зорчихыг хориглосон шийдвэрээ цуцлахаа мэдэгдсэн гэсэн байна.
“Су 24” онгоцны сүйрлийн дараа Путин Туркийн хэд хэдэн салбарт хориг тавьж, иргэдээ тус улс руу зорчихгүй байхыг уриалсан юм.
Б.Дэлгэрцэцэг
Уншиж байна |