Сонгогчдын олонхийн саналыг авсан нэр дэвшигчдэд УИХ-ын гишүүний түр үнэмлэх олгох ажиллагаа Төрийн ордны хүндтгэлийн өргөөнд боллоо. Жижиг тойргоор явагдсан энэ удаагийн сонгуулиар нэр дэвшигчид сонгогчидтой уулзалт хийж, явсан нь илт, ихэнхийнх нь царай борлосон харагдана. 76 тойргоос сонгогчдын олонхийн саналыг авсан нэр дэвшигч УИХ-ын гишүүний түр үнэмлэхээ авах ёслолдоо пиджак костюмаар жигдэрсэн байлаа. Харин Баянзүрх дүүргийн УИХ-ын 54 дүгээр тойрогт бие даан нэр дэвшиж, сонгогчдын хамгийн олонхийн санал авсан, Монгол Улсын гавьяат жүжигчин С.Жавхлан монгол дээлтэй ирсэн байлаа. Тэрбээр УИХ-ын гишүүний түр үнэмлэхээ гардан аваад, ёслолын ажиллагаа дуусаагүй байхад Төрийн ордноос гаран одов.
Н.Нягт